IELTS ဖြေမယ်ဆိုရင်

 # IELTS ဖြေမယ်လို့ စိတ်ကူးထားသူများဖတ်ရန်

ကိုယ့်ကို လူတစ်ယောက်က ဒီလိုလေးမေးမယ် ဆိုပါစို့။

"နည်းပညာအရမ်းတိုးတက်လာတဲ့အတွက် AI တွေ Speech Engines & Language Models တွေ အရမ်းကောင်းလာတဲ့အတွက် နောင်အခါကျရင် Language Skills တွေကို အချိန်ကုန်ခံ အပင်ပန်းခံပြီး လေ့ကျင့်စရာမလိုတော့ဘူး၊ Language Learning လုပ်စရာမလိုတော့ဘူး ဆိုတာမျိုးတွေ ဖြစ်လာနိုင်တယ်။ အဲဒီအယူအဆနဲ့ ပတ်သက်ပြီး မင်းဘယ်လိုမြင်သလဲ၊ မင်းထင်မြင်ချက်ကို ပြောပြစမ်းပါ"

ဆိုပြီး အမေးခံလာရပြီဆိုပါစို့။

အခု အဲဒီမေးခွန်းကို ဖြေဖို့ မြန်မာလို အရင်တွေးကြည့်ပါ။

ပြီးရင် အဲဒီအတွေးကို ကိုယ့်ဖာသာကိုယ်သတိထားကြည့်ပါ။

....

....

....

(တွေးပြီးရင် ဆက်ဖတ်ပါ)

ကိုယ့်ရဲ့ အတွေးတွေက စာကြောင်းတိုတိုလေးတွေနဲ့ ဖြစ်ပေါ်နေသလား၊ စာကြောင်းအရှည်တွေနဲ့ ဖြစ်ပေါ်နေပါသလား။

သေသေချာချာ သတိထားကြည့်မယ်ဆိုရင် ဒီလိုမျိုး everyday situation မဟုတ်တဲ့ အကြောင်းအရာတွေ (အထူးသဖြင့် abstract concepts တွေ) ကို စဉ်းစားတဲ့အခါ အတွေးတည်ဆောက်တဲ့အခါ စာကြောင်းအရှည်တွေနဲ့ စိတ်က အလုပ်လုပ်ပါတယ်။ ဘာသာစကားပညာရပ် ရှုထောင့်ကနေ ပြောရမယ်ဆိုရင် Complex sentence ရယ် Compound sentence ရယ်ကို အဓိက သုံးပြီး အတွေးတည်ဆောက်တယ်ပေါ့။

မှတ်ထားပါ။ အဲဒီနေရာသည် IELTS candidate တစ်ယောက် essay ရေးရင် speaking/discussion ပြောရရင် အသုံးပြုဖို့ စာမေးပွဲကို ဒီဇိုင်းဆွဲသူများက မျှော်လင့်ထားတဲ့ အဝန်းအဝိုင်းဖြစ်ပါတယ်။ အဲသည်နေရာကို ကျင့်ပါ။ သို့သော် အဲသည်နေရာက စာကြောင်းတွေ ကောင်းရင် အမှတ်ရနိုင်သလောက် ကြားညပ်ပြီးသုံးရတဲ့ Simple sentence တွေထဲမှာ grammar error ပါသွားရင်တော့ အမှတ်ပိုလျော့နိုင်တယ် ဆိုတာကိုလည်း မမေ့ပါနဲ့။

ကျောင်းသားတစ်ယောက်ဟာ အဲဒီလို မေးထားတဲ့ မေးခွန်းမျိုးကို ဖြေဖို့အတွက် Abstract Thinking တွေကို စဉ်းစားတွေးခေါ်တဲ့ အလေ့အကျင့်, opinions တွေကိုထုတ်ဖော် ပြောတတ်/ တွေးတတ်တဲ့ အလေ့အကျင့်ကို ကိုယ့်ရဲ့ native language မှာတောင် နိုင်နိုင်နင်းနင်း မလုပ်တတ်သေးဘဲ English နဲ့ ပြောင်းပြီး output ထုတ်ဖို့ အတင်းကြိုးစားတဲ့အခါ Argumentative Essays တွေမှာ တစ် နေတာတို့ native speaker တစ်ယောက်နဲ့ meaningful conversation တစ်ခုကို ဝင်ပြီး engage မလုပ်နိုင်တာတို့ကို ခံစားရတတ်ပါတယ်။

ဒါကြောင့် IELTS ဖြေမယ့်သူများဟာ ကိုယ်ပိုင် အတွေးအခေါ် အယူအဆ အချို့ ရှိနှင့်ပြီးသားဖြစ်ဖို့အတွက် အတွေးကုန်ကြမ်းရဖို့အတွက် စွယ်စုံ စာဖတ်ထားကြ ဖို့လိုပါမယ်။ စာဖတ်အားကို ရိုးရိုးကောင်းရုံနဲ့ မဟုတ်ဘဲ Critical Reading & Reasoning Skill နဲ့ပါလုပ်တတ်ရင် ပိုအဆင်ပြေပါမယ်။

New Scientist, The Economist တို့လို (ဒါမှမဟုတ် အဲဒါတွေနဲ့ အလားသဏ္ဌာန်တူတဲ့) စာတွေဆောင်းပါးတွေဖတ်ပါ။ Articles & Analytics တွေမှာ graphical presentation တွေနဲ့ပူးတွဲပြီးပါတဲ့ descriptive & quantitative adjectives and adverbs တွေ expressions & usages တွေ ကျက်မှတ်ထားပါ။ BBC World Service နားထောင်၊ Interview style podcasts တွေ Lectures တွေ နားထောင်၊ Voice of Sayar Henry နားထောင်၊ Speaking Partner (B2 level) ထားပါ။ Argument Logic သဘောကိုနားလည်အောင်လုပ်ပြီး Argumentative Essays တွေကို ရေးတာရော စဉ်းစားတာပါ များများကျင့်ပါ။ ပြီးရင် Practice Tests အသစ်/အဟောင်းတွေကို အချိန်နဲ့မဟုတ်ဘဲ စိမ်ပြေနပြေအသေးစိတ်ဖတ်ပါ တွေးပါ၊ စာမေးပွဲကြေးသွင်းပြီးတော့မှပဲ အချိန်နဲ့ဖြေတာတွေကို စမ်းလုပ်ကြည့်ပါ။

အဲဒါတွေကို အဓိကလုပ်နေရင် Academic Thinking & Language Skill သိသိသာသာတက်လာလို့ စာမေးပွဲအတွက်ပါကျင့်ပြီးသားဖြစ်သွားပါတယ်။ စာမေးပွဲမဖြေဖြစ်ရင်တောင် Academic Thinking Skill တက်လာပါမယ်။ ဒါက comprehensive advice တော့ မဟုတ်ပေမယ့် အဲဒီထဲမှာ ကိုယ် မလုပ်ဖြစ်သေးတာတွေပါနေရင် စပြီး လုပ်ပါတော့။

Yours truly,

Sayar Henry

---------------

တကယ်လို့ အဲဒီလို Skill Set မျိုးကိုရလာအောင် ကြိုးစားအားထုတ်တဲ့ခရီးစဉ်မှာ မြန်မာကျောင်းသားတစ်ယောက် အနေနဲ့ စောစောစီးစီးဉာဏ်အလင်းပွင့်ထားချင်တယ်၊ ပေါင်းကူးတံတားတစ်ခုရချင်တယ်၊ Accelerator တစ်ခုရချင်တယ်ဆိုရင် ကျွန်တော့်မှာ Insight Readers နဲ့ Power Writers ဆိုတဲ့ Specialized Training Courses တွေရှိပါတယ်။

IELTS အတွက် သီးသန့်သင်ပေးတာတော့မဟုတ်ပေမယ့် SAT/IELTS လို စာမေးပွဲတွေမဖြေခင် ဖြတ်ကိုဖြတ်သန်းဖူးသင့်တဲ့ သင်ရိုးနှစ်ခုလို့ ဆိုနိုင်ပါတယ်။ နှစ်ခုတစ်ပြိုင်တည်းတွဲတက်လို့ရသလို တစ်ကြိမ်မှာတစ်ခုစီတက်လို့လည်းရပါတယ်။ အတောင်စုံဖို့အတွက် အနှေးနဲ့အမြန် နှစ်ခုစလုံးပြီးအောင်ကြိုးစားဖို့ recommend ပေးပါတယ်။